[飲食] CNN 嚴選13個食點心好去處

CNN夜茶蒲點　Eason讚 2011-10-04
跟網站搵食點心推新興


[轉載/Youtube] CNN GO經常四圍去搜尋香港有乜好嘢食，最近就嚴選咗13個食點心好去處，大家可以按圖索驥，平有平食、貴有貴食。首先推介係堅尼地城嘅新興食家，營業時間好型，朝三晚四，但吸引到唔少食客未開舖先排隊，連Eason都有幫襯，呢度嘅奶皇流沙包一流。
想食得豪，就要去灣仔福臨門啦，60蚊籠燒賣，真係幾大就幾大。大帽山彩龍酒樓嘅鮮竹卷一定要試。其他好介紹包括添好運點心、元朗大榮華，同埋中環人最愛嘅陸羽等等。如果想懷舊，亦可以去威靈頓街嘅蓮香樓。而利苑嘅蘿蔔糕、薄扶林街舖「叁去壹」9蚊雞一籠嘅平價點心都值得一試。